අපි උණ්ඩ නැතුවත් යුද්ධ කළා – කබ්රාල්

‍යුද සමයේදී ආයුද නොමැති දින සහ උණ්ඩ නොමැති දින ද තිබූ බව මහබැංකු අධිපති අජිත් නිවාඩ් කබ් රාල් පවසනවා.

ඒ අද දින මාධ්‍යවේදියෙකු නැගූ ගැටළුවකට පිළිතුරු ලබා දෙමින්.

ඉන්ධන වැනිදෑ ලබාදීම රජයේ වගකීමක් වන බැවින් ජනතාව ඒ සම්බන්ධයෙන් අනවශ්‍ය ලෙස කලබල නොවිය යුතු බවයි ඔහු පවසන්නේ.

මාධ්‍යවේදියා –

“දින 8කට පමණයි ඉන්ධන ලබාගෙන තියෙන්නේ. ඉදිරියේදී කොහොමද මේකට ඩොලර් ලබා දෙන්නේ?”

මහබැංකු අධිපතිවරයා –

“ඔබතුමාට මතක ඇති 2007/08/09 කාලයේදී ලොකු යුද්ධයක් කළා. සමහර දින තිබුණා ආයුධ නැති දිනත්. සමහර දින තිබුණා පතුරම් නැති දිනත්. අපි ඇවිල්ලා හැමදාම ටීවී එකට කිව්වේ නෑ. කිව්වා නම් එල්.ටී.ටී.ඊ එක ගහලා එදාම. ඒ නිසා දවස් 8කට තියෙනවා කියලා කියනකොට ඊළඟ දවසෙ තවත් කරුණු තියෙනවා අපිට කරගන්න. ඒක අපි කරයි. තෙල් ගබඩා කරන්න බෑ දවස් 80කට. ඒක ගතික ක්‍රියාවලියක්. ඒ නිසා දවස් 2කින් හෝ 3කින් එයි. දැන් හැමෝම අනුමාන කරනවා. තෙල් තියෙන්නේ දාවස් 3 ද විදුලිය තියෙන්නේ දවස් 8ද, ඒවා අවශ්‍ය නෑ. රජයේ වගකීම තමයි ඒවා ලබාදෙන එක. ඉතින් ඒවා ලබාදෙයි. ඒ නිසා ඒකට වැඩිය කලබල වෙන්නෙ නැතුව ඉන්න ඕනෙ”