ජනාධිපති ගෝඨාභය රාජපක්ෂ මහතා ඊයේ (26) පෙරවරුවේ නාරාහේන්පිට අභයාරාම විහාරස්ථානයට ගොස් නාරාහේන්පිට අභයාරාමාධිපති, බස්නාහිර පළාත් ප්‍රධාන සංඝනායක, කොළඹ විශ්වවිද්‍යාලයේ කුලපති අතිපූජ්‍ය මුරුත්තෙට්ටුවේ ආනන්ද නාහිමියන් බැහැදැක තිබෙනවා.
උන්වහන්සේගේ ජන්ම දිනය නිමිත්තෙන් ඊයේ පෙරවරුවේ නාරාහේන්පිට අභයාරාම විහාරස්ථානයට ගිය ජනාධිපතිවරයා නායක හිමියන් බැහැදැක උන්වහන්සේට නිදුක් නිරෝගී චිර ජීවනය ප්‍රාර්ථනා කර ඇති අතර නාහිමියන්ට ආශීර්වාද පිණිස පැවති දානමය පුණ්‍ය කර්මයට සහභාගී වී තිබෙනවා.
