ඇමරිකානු විශ්ව විද්‍යාලවල ඉගෙනුම ලබන බහුතර ඇෆ්ගනිස්ථාන සිසුන් වත්මන් තලේබාන් පාලන තන්ත්‍රය යටතේ ඔවුන්ගේ ජීවිතවලට අනතුරු ඇතිවිය හැකිය යන බිය නිසා අපසු සිය රට යාම ප්‍රතික්ෂේප කරන බව වාර්තා වේ.
ෆුල්බ්‍රයිට් ඇතුළු විවිධ ශිෂ්‍යත්ව වැඩසටහන් යටතේ ඇමරිකානු විශ්ව විද්‍යාලවල ඉගෙනුම ලබමින් සිටින ඇෆ්ගනිස්ථාන සිසුන් 100කට වැඩි පිරිසක් ඇතුළු තවත් විවිධ ශිෂ්‍යත්ව ලැබූ සිසුන් විශාල පිරිසක් මේ අතර වන බව පැවසේ.
මෙම සිසුන්ගෙන් ඇතැම් අය තලෙයිබාන් සංවිධානය ඇෆ්ගනිස්ථානයේ බලය අල්ලා ගැනීමට දින කිහිපයකට පෙර ඇමරිකාවට පැමිණ ඇති බව ද සදහන් වේ.
යුධ ගැටුම් වර්ධනයවීමත් සමඟ කාබුල්හි එක්සත් ජනපද තානාපති කාර්යාලය ද වසා දමන ලද අතර තවමත් ඇමරිකාව සහ තලේබාන් පාලනය අතර තානාපති සබදතා යථා තත්වයට පත්ව නොමැත.
