ශ්‍රී ලංකා පාර්ලිමේන්තුව අන්ත දූෂිත හොර ගුහාවක් බවත් එහි සිටින්නේ හොරුන් බවත් ශ්‍රී ලංකා පාර්ලිමේන්තුවේ හිටපු පරිපාලන අධ්‍යක්ෂ ලැසිල් ද සිල්වා මහතා පවසනවා.
පාර්ලිමේන්තුවට අපහාස කිරීම වරදක් බව තමා දන්නා නමුත් තමන් මෙම ප්‍රකාශය කිරීමට මැළි නොවන බවයි ඔහු සඳහන් කරන්නේ.
හැකිනම් පාර්ලිමේන්තු වරප්‍රසාද යටතේ මේ සම්බන්ධයෙන් තමාට එරෙහිව පියවර ගන්නා ලෙසද ඔහු අභියෝග කරනවා.
ලැසිල් ද සිල්වා මහතා පවසන්නේ වර්තමානයේ ශ්‍රී ලංකාවට අත්ව ඇති ඉරණම සම්බන්ධයෙන් පාර්ලිමේන්තුව වගකිවයුතු බවයි.
යහපාලන රජය සමයේ ජනතාවට පොරොන්දු වූ අයුරින් දූෂිතයන් නීතියේ රැහැනට හසු කර නොගැනීම සම්බන්ධයෙන් එවකට ජනාධිපති මෛත්‍රීපාල සිරිසේන සහ අගමැති රනිල් වික්‍රමසිංහ ප්‍රධාන වශයෙන් වගකිව යුතු බවද ලැසිල් ද සිල්වා මහතා ‘මීමැස්සෝ TV’ Youtube නාළිකාව සමඟ පැවති සම්මුඛ සාකච්ඡාවේදී පවසනවා.
එවක ජනපති මෛත්‍රීපාල සිරිසේන මහතා විසින් පත්කරන ලද 2005-2014 රාජපක්ෂ පාලන සමයේ සිදු වී ඇති බව පැවසුන වංචා දුෂණ සහ අක්‍රමිකතා සොයා බැලීමේ ජනාධිපති කොමිසමේ ලේකම්වරයා ලෙසද ලැසිල් ද සිල්වා මහතා කටයුතු කරනු ලැබුවා.
කෙසේ වෙතත් 2016 වසරේදී ඔහුගේ සේවා කාලය දීර්ඝ නොකොට ඔහු එම ධුරයෙන් ඉවත් කිරීමට කටයුතු කරනු ලැබුවේ කිසිදු පැහැදිලි හේතුවක් නොදක්වායි.
එම සාකච්ඡාව පහතින්,
