බංග්ලාදේශ ක්රිකට් කණ්ඩායම ඉතිහාසයේ පළමු වරට දකුණු අප්රිකාවේදී එක්දින තරගාවලියක් ජයගැනීමට ඊයේ සමත් වුණා.
ඒ දකුණු අප්රිකාව සමඟ පැවති තරග 3කින් සමන්විත එක්දින තරගාවලිය තරග 2 – 1 ක් ලෙස ජයගනිමින්.
දෙරට අතර ඊයේ (23) දකුණු අප්රිකාවේ සෙන්චූරියන්හි සුපර්ස්පෝට් පාර්ක් ක්රීඩාංගනයේ පැවති තෙවන එක්දින තරගයේ පළමුවෙන් පන්දුවට පහරදුන් දකුණු අප්රිකා කණ්ඩායමට පන්දුවාර 37ක් තුළ සියලුදෙනා දැවී ලබාගත හැකි වූයේ ලකුණු 154ක් පමණයි.
එහිදි බංගලාදේශය වෙනුවෙන් සුපිරි පන්දු යැවීමක නිරත වූ ටස්කින් අහමඩ් පන්දුවාර 09ක් තුළ ලකුණු 35ක් පමණක් ලබාදෙමින් දකුණු අප්රිකා ඉනීමේ කඩුලු 05 බිඳ හෙළීමට සමත් වුණා.
ඒ අනුව පිළිතුරු ඉනිම ඇරඹු බංගලාදේශ කණ්ඩායම පන්දුවාර 26.3ක් තුළ ලකුණු 156ක් ලබාගනිමින් තරඟය ජයගත්තේ එක් කඩුල්ලක් පමණක් දැවීගොස් තිබියදී.
එහිදී බංගලාදේශය වෙනුවෙන් විශිෂ්ඨ ඉනිමක් ක්රීඩාකළ නායක තමීම් ඉක්බාල් පන්දු 82ක් තුළ ලකුණු 87ක් ලබාගනිමින් බංගලාදේශය පහසු ජයක් කරා මෙහෙයවුවා.
තරගයේ වීරයා සහ තරගාවලියේ වීරයා යන සම්මාන 02කම දිනාගනු ලැබුවේ විශිෂ්ඨ පන්දු යැවීමක නිරත වූ ටස්කින් අහමඩ් විසින්.
ඒ අනුව දකුණු අප්රිකාවේදී එක්දින තරගාවලි ජයක් ලබාගත් තුන්වන රටලෙස බංගලාදේශය වාර්තා අතරට එක්වුණා.
මීට පෙර දකුණු අප්රිකාවේදී එවැනි දස්කමක් දක්වා ඇත්තේ ඉන්දියාව සහ පාකිස්තානය පමණක් වන අතර ශ්රී ලංකාවටද මෙතෙක් එම දස්කම දැක්වීමට හැකිව නැහැ.
තරගාවලියේ තරග විස්තරය දැක්වූණේ පහත පරිදියි.
?පළමු තරගය
BAN – 314/7 (50)
SA – 276 (48.5)
?දෙවන තරගය
BAN – 194/9 (50)
SA – 195/3 (37.2)
?තුන්වන තරගය
SA – 154 (37)
BAN – 156/1 (26.3)