ලෝක වෙළෙඳපොළේ බොරතෙල් මිල යළිත් වරක් සැළකිය යුතු ලෙස පහළ ගොස් ඇති බව විදෙස් වාර්තා පවසනවා.
වසර දෙකක කාලයකට පසු චීනයේ ෂැංහයි නුවර සම්පූර්ණයෙන්ම වසා දැමීම හේතුවෙන් මෙම තත්ත්වය උද්ගතව ඇති බවයි පැවසෙන්නේ.
ඒ අනුව අද දිනයේ බ්‍රෙන්ට් බොරතෙල් බැරලයක මිල අමෙරිකානු ඩොලර් 111.92ක අගයක් ගත් අතර අමෙරිකාවේ ඩබ්ලිව්.ටී.අයි බොරතෙල් බැරලයක මිල අමෙරිකානු ඩොලර් 105.38ක අගයක් ගනු ලැබීය.
කෙසේවෙතත් විදෙස් වාර්තා පෙන්වාදෙන්නේ ඉන්ධන මිල ගණන් සැළකිය යුතු ආකාරයකින් පහළ බසිනු ඇති බවයි. එමෙන්ම මෙම මිල ගණන් අඩුවීම හේතුවෙන් බොරතෙල් වෙළඳපොළෙහි යම් පාඩුවක් සිදුවනු ඇති බව ද විදෙස් වාර්තා සදහන් කරනවා.
වෙළෙඳපොළ දෙකේම කොන්ත්‍රාත්කරුවන්ට සහ වෙළදපොළ දෙකට ඊයේ දිනයේදී පමණක් සිදුවූ පාඩුව සියයට 7 කට ආසන්න බව විදෙස් වාර්තා පෙන්වාදී ඇති අතර දැනට මාසයකට අධික කාලයක සිට පවතින මෙරට ඉන්ධන සහ ගෑස් අර්බුදය තවදුරටත් පවතින බවත් වාර්තා වනවා.
