මියන්මාරයේ පවතින මානුෂීය අර්බුදය පිළිබඳව කනස්සල්ල පළ කරන බවත් එරට තුළ ප්‍රජාතන්ත්‍රවාදය ඉතා ඉක්මනින්ම යලි ඇතිවනු ඇති වනු ඇති බවටත් ඉන්දියාව මානව හිමිකම් කවුන්සිලයේ 50 වැනි සැසිවාරයේදී අවධාරණය කර තිබේ..
මානව හිමිකම් කවුන්සිලයේ 50 වැනි සැසිවාරයේදී මියන්මාරයේ මානව හිමිකම් තත්ත්වය පිළිබඳ අන්තර් ක්‍රියාකාරී සංවාදයේදී අදහස් දක්වමින් එක්සත් ජාතීන්ගේ ඉන්දීය නිත්‍ය නියෝජිත ඉන්ද්‍රමනී පාණ්ඩේ මේ බව පවසා ඇත.
මියන්මාරයේ පවතින මානුෂීය අර්බුදයේ දරුණුතම පීඩාවට පත්වන්නේ කාන්තාවන් සහ ළමයින් බවත් මියන්මාරයේ ජනතාවගේ දිගුකාලීන මිතුරෙකු ලෙස ඉන්දියාව සංවර්ධන සහ මානුෂීය ආධාර දිගටම සපයන බවත් ඔහු වැඩිදුරටත් අවධාරණය කර තිබේ.
මියන්මාරයේ ජනතාවගේ ආරක්ෂාව ඉන්දියාවේ ඉහළම ප්‍රමුඛතාවය ලෙස පවතින බව ද හෙතෙම සදහන් කර ඇත.
රැඳවියන් සහ සිරකරුවන් නිදහස් කිරීම, අන්‍යෝන්‍ය සංවාදයකින් ගැටළු නිරාකරණය කිරීම, සියලු ප්‍රචණ්ඩත්වය සම්පූර්ණයෙන් නැවැත්වීම සහ මියන්මාරය ඉක්මනින්ම ප්‍රජාතන්ත්‍රවාදය වෙත නැවත පැමිණීම දැකීමට ඇති උනන්දුව ඉන්දියාව මෙහිදී පෙන්වා දී තිබේ.
