මෙවර වී වගා කළ සියලුම ගොවීන්ට යූරියා පොහොර ලබාදීමට කෘෂිකර්ම අමාත්‍යාංශය තීරණය කර තිබෙනවා.
ඒ, ඉන්දීය යුරියා පොහොර ලැබීමෙන් අනතුරුව එ්වා දිවයින පුරා බෙදා හැරීමේ කටයුතු සම්බන්ධව කෘෂිකර්ම අමාත්‍යාංශයේ පැවැති සාකච්ඡාවක දීයි
වී වගා කළ සියලුම ගොවීන් වෙත ඉන්දීය රජය ලබාදෙන යූරියා පොහොර ලබාදීමට පියවර ගන්නා ලෙස කෘෂිකර්ම අමාත්‍ය මහින්ද අමරවීර මහතා නිලධාරීන්ට උපදෙස් ලබාදී තිබෙනවා.
කෘෂිකර්ම දෙපාර්තමේන්තුවේ උපදෙස් මත වී වගා කළ ගොවීන් යම් දුෂ්කරතාවකට පත්වුවහොත් අදාළ ගොවීන්ට උපකාර කිරීම රජයේ වගකීමක් බවද අමාත්‍යවරයා එහිදී අවධාරණය කර තිබෙනවා.
එබැවින්, ගොවීන්ට අවශ්‍ය නම් පොහොර ලබාදීමේ හැකියාව සොයා බලන ලෙස අමාත්‍යවරයා නිලධාරීන්ට උපදෙස් ලබාදී ඇති අතර, මේ වන විටත් එම අස්වැන්න නෙළා අවසන් වී ඇති බවයි අමාත්‍යංශය පවසන්නේ.
ඉන්දීය රජය මගින් ලබාදෙන යූරියා පොහොර හෙක්ටයාරයකට කිලෝග්‍රෑම් 100 බැගින් බෙදා හැරීමට පියවර ගන්නා ලෙසද අමාත්‍යවරයා වැඩිදුරටත් උපදෙස් දී තිබෙනවා.
