අගමැතිවරයාට වහාම සිය ධුරයෙන් ඉල්ලා අස්වන ලෙස දැනුම් දෙන්නැයි විපක්ෂයේ පක්ෂ නායකයන් අද කතානායක මහින්ද යාපා අබේවර්ධන මහතාගෙන් ඉල්ලා තිබෙනවා.
ඒ, අද පැවති පක්ෂ නායක රැස්වීමේදීයි.
මතුව ඇති අර්බුදය තවදුරටත් උග්‍ර වීමට අගමැතිවරයාගේ ක්‍රියාකලාපය හේතු වූ බව පෙන්වා දී ඇති පක්ෂ නායකයන්, වැඩිදුරටත් අවධාරණය කර තිබෙන්නේ එසේ වුවහොත් අරගලකරුවන් පාර්ලිමේන්තුවද වැටලිය හැකි බවයි. එම අනතුරෙන් ගැලවීමට නම් අගමැතිවරයා ධුරයෙන් ඉවත් වීම අනිවාර්ය බවද පක්ෂ නායකයන් ප්‍රකාශ කර තිබෙනවා.
මෙම තත්වය වළක්වා ගැනීම සඳහා අගමැතිවරයාට ධුරයෙන් ඉවත් වන්නැයි දැනුම් දෙන ලෙස පක්ෂ නායකයන් කතානායකවරයාගෙන් ඉල්ලා තිබෙනවා.
