දේශීය වෙළඳපොලේ කුකුළු මස් කිලෝග්‍රෑමයක මිල රුපියල් 1450 කට අලෙවි වන අතර දින තුනකට වරක් මිල රුපියල් 50 කින් ඉහළ යනු ඇතැයි බැස්ටියන් මාවතේ කුකුළු ව්‍යාපාරිකයන්ගේ සංගමයේ සභාපති එම්.අයි.එම්. ඉක්බාල් පවසනවා.
මාධ්‍ය වෙත අදහස් දක්වමින් ඔහු කියා සිටියේ මහා පරිමාණ කුකුළුමස් නිෂ්පාදකයෝ 15 දෙනාගේ තීරණයට අනුව කුකුළු මස් මිල වැඩි කළ යුතුව ඇති බවයි.
“අවශ්‍ය කුකුළු මස් තොග ඉල්ලුමට සරිලන පරිදි ඔවුන් ළඟ තිබෙනවා. අපි ඔවුන්ගෙන් මිලදී ගන්නවා. දින තුනකට වරක් කුකුල් මස් මිල රුපියල් 50 කින් වැඩි කරන්න ඔවුන් කටයුතු කරනවා. කුකුළුමස් මිල සම්බන්ධයෙන් තීරණ ගන්නේ මහාපරිමාණ කුකුළුමස් නිෂ්පාදකයෝ එකතු වෙලා. ඔවුන්ගේ වැඩ නිසා නිසා අපිට අපේ පාරිභෝගිකයන්ට මුහුණ දෙන්න බැහැ. ගොඩක් පාරිභෝගිකයෝ අපිට බනිනවා. මේ අතර කුකුළුමස් නිෂ්පාදකයෝ කුකුළු ආහාර හිඟයි කියලා විලාප නගනවා. මේ තත්ත්වය නිසා බිත්තර වලට කළා වගේම කුකුළු මස් වලටත් පාලන මිලක් නියම කරන්න රජය වහාම පියවර ගත යුතුයි. එහෙම නැත්තන්, කර්මාන්තය කඩා වැටිලා කුකුළු මස් විශාල හිඟයක් ඇති වෙලා මන්දපෝෂණය ෛහළ යයි.” යැයි ඔහු පැවසීය.
