මහර බන්ධනාගාර ගැටුම අතරතුරදී දේපළවලට හානි සිදු කළ සැකකරුවන් 120 දෙනෙකුට එරෙහිව නඩු පැවරීමට පියවර ගෙන ඇති බව බන්ධනාගාර දෙපාර්තමේන්තුව පවසනවා.
රාජ්‍ය දේපොළවලට හානි කිරීමේ චෝදනාව යටතේ එසේ නඩු පැවරෙන අතර එම ගැටුමෙන් සිදුවී ඇති දේපළ හානිය රුපියල් කෝටි 6කට අධික බව බන්ධනාගාර පරිපාලන විසින් පෙන්වාදෙනවා.
එමෙන්ම බන්ධනාගාර මාධ්‍ය ප්‍රකාශක සහ බන්ධනාගාර පරිපාලන කොමසාරිස් චන්දන ඒකනායක මහතා සඳහන් කරන්නේ මෙම රැඳවියන් අතුරින් 116 දෙනෙකු රිමාන්ඩ් සිරකරුවන් වන අතර සෙසු 4 දෙනා සිරකරුවන් බවයි.
බන්ධනාගාරය තුළ පසුගිය නොවැම්බර් 29වන දා ඇති වූ කලහකාරී සිද්ධිය හේතුවෙන් එහි ගොඩනැගිලි කිහිපයකට ඖෂධ ගබඩාවට, ලේඛනාගාරය ඇතුළු දේපළ රැසකට දැඩි අලාභ හානි සිදු වී තිබුණා.
