අද දිනට යෙදී ඇති හිටපු ජනාධිපති මහින්ද රාජපක්ෂ මහතාගේ උපන්දිනය වෙනුවෙන් චීනයේ ශ්‍රී ලංකා තානාපති Qi Zhenhong මහතා සුබ පැතුම් එක්කර තිබෙනවා.
චීන තානාපතිවරයා ඇතුළු චීන තානාපති කාර්යාලයේ නියෝජිතයන් පිරිසක් ඊයේ (17) දිනයේ දී හිටපු ජනාධිපතිවරයා හමුවී මෙම සුබ පැතීම එක් කළ බව මහින්ද රාජපක්ෂ මහතාගේ මාධ්‍ය අංශය නිවේදනය කරනවා.
එහිදී චීන තානාපතිවරයා පවසා ඇත්තේ දීර්ඝ කාලීන මිත්‍රත්වයක් ගොඩනැගීම සඳහා හිටපු ජනාධිපතිවරයා අනගි සහයක් ලබාදුන් බවයි.
චීනය ලබාදුන් අතිවිශාල ණය ප්‍රමාණය සදහාවූ ණය පොලිය හා වාරික ගෙවාගත නොහැකි තත්ත්වයක් මේවන විට ශ්‍රී ලංකාවට ඇතිව තිබෙනවා.
අදළ ණය ප්‍රතිව්‍යුහගත කිරීමට අවස්ථා රැසකදී ඉල්ලීම් කර ඇතත් චීන රජය එය මඟහැර කටයුතු කිරීම නිසා ශ්‍රී ලංකාවට ජාත්‍යන්තර මූල්‍ය අරමුදලෙන් ලැබිය යුතු මුදල් ප්‍රමාණයද නොලැබෙන තත්ත්වයක් ඇතිවී තිබෙන බවයි ආර්ථික විශ්ලේෂකයන් පෙන්වා දෙන්නේ.
