නුගේගොඩ දෙල්කඳ ප්‍රදේශයේ දී පොලිස් නිලධාරීන්ගේ රාජකාරියට බාධා කරමින් බලපෑම් කළ වරදට අත්අඩංගුවට ගත් තරුණයා එළඹෙන 23 වනදා දක්වා රක්ෂිත බන්ධනාගාර ගත කර තිබෙනවා.
අද (09) සැකකරු නුගේගොඩ අතිරේක මහේස්ත්‍රාත් හමුවට ඉදිරිපත් කළ අවස්ථාවේ දී මෙම නියෝගය ලබා දී ඇත්තේ.
ඊට අමතරව සැකකරුගේ මානසික සෞඛ්‍ය සම්බන්ධයෙන් ද වෛද්‍ය වාර්තාවක් ලබා ගන්නා ලෙස අධිකරණය වැඩිදුරටත් නියෝග කර තිබෙනවා.
පසුගියදා මාර්ග නීති උල්ලංඝණය කරමින් රිය ධාවනය මත පොලිස් නිලධාරීන් විසින් දඩ නියම කරන අවස්ථාවේ අදාළ නිලධාරීන්ට අසභ්‍ය ලෙස බැන වැදී රාජකාරියට බාධා කළ අතර එහිදී ඔහු ප්‍රකාශ කර තිබුණේ තමා ප්‍රබල අයෙක් බවත් ප්‍රබලයන් රැසක් අඳුනන බවයි.
තමාට දඩ නියම කිරීමෙන් පොලීසිය අපහසුතාවයට පත් වනු ඇති බවද ඔහු සඳහන් කළා.
අන්තර්ජාලයෙන් තමා කවුදැයි සොයා බලන ලෙස එම තරුණයා එහිදී ප්‍රකාශ කළද ඔහු තම සමාජ ජාලා ගිණුම් සියල්ල අක්‍රීය කර ප්‍රදේශයෙන් පලා ගොස් සිටි අතර පසුව පොලීසියට පැමිණ භාර වී තිබුණා.
