දෙවිනුවර ප්‍රාදේශීය සභාවේ සභාපතිවරයාගේ පහරකෑමට ලක්වූ බව කියන පුද්ගලයෙකු තුවාල ලබා මාතර මහ රෝහලට ඇතුලත් කර තිබෙනවා.
සභාපතිවරයා විසින් තම ඉඩමට ප්‍රවේශ මාර්ගයක් ලබාදීම වෙනුවෙන් රුපියල් 50,000ක මුදලක් ඉල්ලා සිටි බවත්, තමන් විසින් මුදල් ලබාදීමේ නීත්‍යානුකූල පදනම සම්බන්ධයෙන් විමසීම හේතුවෙන් මෙම අමානුෂික පහරදීම සිදුකල බව තුවාලකරු විසින් ප්‍රකාශ කරයි.
මෙම සිදුවීම සම්බන්ධයෙන් News19 දෙවිනුවර ප්‍රාදේශීය සභාවේ සභාපති සුජීව වෙදගේ මහතාගෙන් අප සිදුකල විමසීමේදී
“පිහියකුත් අරන් තුන් දෙනෙක් ඊයෙ අපේ ගෙදරට ඇවිත් මට බැණල තිබුණ. මම ඒ වෙලාවෙ ගෙදර හිටියෙ නෑ. ඒ වෙලාවෙ ගෙදර හිටපු කෙනෙක් එක්ක මේ අය ප්‍රශ්නයක් හදාගෙන ඒක දුරදිග දිහිල්ල තමයි මේ පහරදීම සිදුවෙලා තියෙන්නෙ”
යනුවෙන් දෙවිනුවර ප්‍රාදේශීය සභාවේ සභාපති සුජීව වෙදගේ මහතා විසින් සඳහන් කරන ලදී.
ගන්දර පොලීසිය විසින් සිදුවීම සම්බන්ධයෙන් වැඩිදුර විමර්ශන ක්‍රියාත්මකයි.
සිදුවීමට අදාල දර්ශන පහතින්,
