පසුගිය දින කිහිපය තුළ ගම්පහ නගරයේ වෙළෙඳසැල් ආශ්‍රිතව වැඩි වශයෙන් කොවිඩ් ආසාදිතයින් හඳුනා ගැනීමත් සමඟ ගම්පහ නගරයේ වෙළෙඳසැල් පිහිටි ප්‍රදේශයේ කොටසක් වසා තැබීමට තීරණය කළ බව ගම්පහ නගරාධිපති එරංග සේනානායක මහතා සඳහන් කරනවා.
නගරාධිපතිවරයා පවසන්නේ පසුගිය දින හතර තුළ රැපිඩ් ඇන්ටිජන් පරීක්ෂණ 280කට අධික ප්‍රමාණයක් සිදුකර ඇති අතර එයින් 58 දෙනෙක් ආසාදිතයින් ලෙස හඳුනා ගත් බවයි.
එමෙන්ම මේ වන විට ගම්පහ නගර සීමාවෙන් මේ වන විට කොවිඩ් ආසාදිතයින් 233 දෙනෙකු වාර්තාවී තිබෙනවා.
මෙම නිසා සම්පූර්ණ නගරයම වසාදමනවා වෙනුවට එළවළු වෙළෙඳපොළ ආශ්‍රිත කඩ කිහිපයක්, පළතුරු වෙළෙඳ පොළේ කඩ කිහිපයක් මේ වන විට වසා දමා තිබෙනවා.
එමෙන්ම ස්ථාන 5 කදී ගම්පහ ව්‍යාපාරිකයන් 1000 කගේ පමණ PCR පරීක්ෂණ සිදු කිරීමටද තීරණය කර ඇති බවයි නගරාධිපතිවරයා පවසන්නේ.
