කොටස් වෙළෙඳපොළ ගනුදෙනු අතරමඟ නවතියි

කොළඹ කොටස් වෙළෙඳපොළ දෛනික ගනුදෙනු අද (11) පෙරවරු 11.45 ට අත්හිටුවා තිබෙනවා.

ඒ පෙර දිනයට සාපේක්ෂව S&P SL20 දර්ශක අගය 5% ක් ඉක්මවූ ප්‍රමාණයකින් පහළ යාම හේතුවෙන්.

දෛනික සාමාන්‍ය ගනුදෙනු අත්හිටුවනු ලබන අවස්ථාවේ දී පෙර දිනයට සියලු කොටස් මිල දර්ශකය ඒකක 337.00 කින් සහ S&P SL20 දර්ශකය ඒකක 162.06 කින් පහළ ගොස් තිබුණි.

පස්වරු 12.15 ට ගනුදෙනු යළි ආරම්භ කලද පස්වරු 12.18 ට යළිත් වරක් අත්හිටුවනු ලැබීය.

ඒ අනුව දිනය තුළ සාමාන්‍ය ගනුදෙනු අත්හිටුවනු ලැබූ දෙවන අවස්ථාව මෙයයි.

S&P SL20 දර්ශක අගය පෙර දිනයට සාපේක්ෂව 7.50% ක් ඉක්මවා පහළ යාම මීට හේතුවයි.

ගනුදෙනු අත්හිටුවන ලද අවස්ථාවේ දී S&P SL20 දර්ශක අගය 8.13% කින් පහළ ගොස් තිබුණා.

ගනුදෙනු අත්හිටුවන ලද අවස්ථාවේ දී සියල කොටස් මිල දර්ශක අගය පෙර දිනයට සාපේක්ෂව ඒකක 500.29 ක විශාල කඩා වැටීමක් වාර්තා කර තිබුණු අතර S&P SL20 දර්ශකය ඒකක 250.92 කින් පහළ ගොස් තිබීමද විශේෂත්වයක්.