නුගේගොඩ අනුලා විද්‍යාලයේ 2020 වසරේ පළමු ශ්‍රේණිය සදහා ආදි ශිෂ්‍ය පදනම යටතේ සිසුන් ඇතුළත් කිරීමේදී සිදුවූ අක්‍රමිකතාවන් රැසක් පිළිබදව මීට පෙර අධ්‍යාපන අමාත්‍යාංශයට පැමිණිලි ලැබී තිබුණා.
අදාල පැමිණිලි පිළිබදව සිදුකරන ලද පැමිණිලි පරීක්ෂාවේදී අනාවරණය වී ඇත්තේ 2020 වසරේ පළමු ශ්‍රේණියට දරුවන් ඇතුළත් කිරීමේදී කූඨ ලේඛණ සකසා දරුවන් 6 දෙනෙකු එම පාසලට ඇතුළත් කර ඇති බවයි.
මෙම කරුණ සම්බන්දයෙන් ප්‍රධාන අභ්‍යන්තර විගණකවරයා විසින් විමර්ශනයක් සිදුකර ඇති අතර එහිදී ඔහුගේ නිර්දේශය වී ඇත්තේ අදාල සිසුවියන් පාසලෙන් ඉවත් කරන ලෙසයි.
ඒ අනුව අධ්‍යාපන අමාත්‍යාංශයේ ලේකම් මහාචාර්ය කපිල පෙරේරා මහතා පාසලේ වර්තමාන විදුහල්පතිනිය වන අනෝමා දහනායක මහත්මිය වෙත ලිපියක් යොමුකරමින් කූඨ ලේඛණ සකසා පාසලට ඇතුළත් කර ඇති දරුවන් 6 දෙනාගේ නම් සදහන් කරමින් ඔවුන් පාසලෙන් ඉවත් කිරීමට දන්වා තිබෙනවා.
එමෙන්ම මෙම කූඨ ලේඛණ සිදුවීම සම්බන්දයෙන් නීත්‍යානුකූලව කටයුතු කිරීම සදහා පොලිස්පතිවරයා වෙත පැමිණිල්ලක් ඉදිරිපත් කරන ලෙසටද විදුහල්පතිනිය වෙත දන්වා තිබීමද විශේෂත්වයක්.
අදාල සිදුවීම වන අවස්ථාවේදී පාසලේ විදුහල්පතිනිය ලෙස කටයුතු කළේ ජයනි ප්‍රිශංගිකා මහත්මියයි.
ඇයට එරෙහිව එල්ලවූ දූෂණ චෝදනා රැසක් හේතුවෙන් ඇය මේ වන විට අධ්‍යාපන අමාත්‍යාංශය වෙත මාරුකර යවා තිබෙනවා.
