වව්නියාව සෙට්ටිකුලම් පොලිස් වසමේ සින්නතම්පනෙයි ප්රදේශයේ කැලෑවක වළදමා තිබියදී කිලෝ පහක් බරැති මරාගෙන මැරෙන ඇඳුම් කට්ටල දෙකක් අද (17) සවස හමුවී ඇති බවට සෙට්ටිකුලම් පොලීසිය පවසනවා.
වව්නියාව පොලිස් රාජ්ය බුද්ධි අංශ නිලධාරීන්ට ලැබුනු බුද්ධි තොරතුරකට අනුව සෙට්ටිකුලම් පොලීසිය සහ පොලිස් විශේෂ කාර්ය බලකා නිලධාරීන්ගේද සහය ඇතිව සින්නතම්පනෙයි වැව ආසන්නයේ පිහිටි කැලෑබද ප්රදේශයකින් මෙම මරාගෙන මැරෙන ඇඳුම් කට්ටල දෙක සොයාගනු ලැබූවා.
එහිදී සින්නතම්පනෙයි කැලෑවේ සිදුකළ සෝදිසියකදී ගසක් ආසන්නයේ පොළව යට ඉතා ආරක්ෂිතව වලදමා තිබූ එක් ඇඳුම් කට්ටලයක් කිලෝ දෙකහමාර බැගින් වූ බරකින් යුක්ත මරාගෙන මැරෙන ඇඳුම් කට්ටල දෙකක් තිබී හමු වී තිබෙනවා.
අදාල මරාගෙන මැරෙන ඇඳුම් කට්ටල දෙක ගොඩගන්නා අවස්ථාවේදීද සක්රීයව ආරක්ෂාකාරීව තිබුණු බවටත්, අවසන් යුද සමයේදී කොටි සංවිධානය විසින් මතු ප්රයෝජනය සඳහා ආරක්ෂිතව මෙම ස්ථානයේ මරාගෙන මැරෙන ඇඳුම් කට්ටල දෙක වල දමන්නට ඇති බවටත් පොලීසිය සැක පල කරනවා.