චීනය තායිවාන සමුද්‍ර සන්ධියේ හෙලිකොප්ටර් යානා අංගනයක් ඉදිකිරීමේ පුවතක් නිසා ලොව බලවතුන්ගේ ඇස චීනයට යළි යොමු වී ඇත.
හෝ චෙන්ග් හුයි නමැති හමුදා විශේෂඥයකුගේ ප්‍රකාශයක් උපුටා දක්වමින් පෝර්කි නමැති වෙබ් අඩවියක් කළ වාර්තාවක් අනුව මෙම තත්ත්වය නිර්මාණය වී තිබේ.
තායිවාන ජනමාධ්‍ය පවසන්නේ මෙය තායිවානයට සෘජු තර්ජනයක් බවයි.
චීන මහජන විමුක්ති හමුදාවේ බලය වර්ධනය කිරීමට චීන ජනාධිපති ෂී ජින්පින්ග් ගේ අදහසක් අනුව මෙය ක්‍රියාත්මක වන බව පැවසේ.
චීන කලාපයේ සිටින ඇමෙරිකානු හමුදාවලට මෙන්ම ඒවායේ මූලිකත්වයෙන් කලාපීය දූපත්වල කෙරෙන ආරක්ෂක උපායමාර්ගවල ද මෙම නව ඉදිකිරීම තර්ජනයක් වනු ඇතැයි හමුදා විශේෂඥයෝ අදහස් දක්වා ඇත.
හෙලිකොප්ටර් අංගනයේ බවට සැක කෙරෙන චන්ද්‍රිකා ඡායාරූප මේ වනවිට අන්තර්ජාලය පුරා දැකිය හැකිය.
