අලුතින් ඉදිවන නෙළුව – ලංකාගම මාර්ගයේ කාපට් ගැලවී ඇති ආකාරය පසුගිය දින කිහිපයේ සමාජ මාධ්‍යජාල ඔස්සේ ප්‍රචාරය වුණා. මේ පිළිබදව ජනාධිපති ගෝඨාභය රාජපක්ෂ මහතා සහ මහින්ද රාජපක්ෂ මහතා ලබාදුන් උපදෙස් මත මහාමාර්ග අමාත්‍ය ජොන්ස්ටන් ප්‍රනාන්දු මහතා එහි ගොස් නිරීක්ෂණය කර තිබෙනවා. නිරීක්ෂණ චාරිකාවෙන් අනතුරුව අදහස් දක්වමින් ඔහු පැවසුවේ අදාල ඡායාරූප සාවද්‍ය බවත්, එවැනි කිසිදු සිදුවීමක් එම මාර්ගයට අදාලව සිදුව නොමැති බවයි. මෙම මාර්ගය ශ්‍රී ලංකා යුද හමුදාවේ මැදිහත්වීමෙන් ඉදිකරන බවත් එම නිසා සමාජ මාධ්‍ය තුළින් සිදුකරන මෙම අපහාස යුද හමුදාව ඉලක්ක කොටගෙන සිදුකරන අපහාසයන් බවත් ඔහු එහිදී පැවසුවා.
එම නිරීක්ෂණ චාරිකාවේ ඡායාරූප ඇමතිවරයා ප්‍රසිද්ධ කර ඇතත් ඔහු සදහන් කරන කිසිදු හානියක් සිදු නොවී ඇති මාර්ගයේ කිසිදු ඡායාරූපයක් පලකර තිබුණේ නැහැ.
