ඊයේ (24) දින රුවන්වැලි සෑය අසල කරන ලද අහඹු රැපිඩ් ඇන්ටිජන් පරීක්ෂාවන් 25ක් අතරින් නිකවැරටියේ සිට පැමිණි වන්දනා නඩයක එක් අයකු කොවිඩ් 19 වෛරසය ආසාධිතයකු බවට තහවුරු වී තිබෙනවා.
ඔහු පෙර දින (23) රාත්‍රියේ මිහින්තලේ ප්‍රදේශයේ විහාරස්ථානයක නැවතී සිට දානය පිළියෙල කොට පූජා කර රුවන්වැලිසෑය වන්දනා කිරීම සඳහා පැමිණි කණ්ඩායමක ප්‍රධානියා වනවා.
ආසාදිතයෙකු ලෙස හදුනාගත් මෙම පුද්ගලයා මේ වන විට ප්‍රතිකාර මධ්‍යස්ථානයකට යොමු කර තිබෙනවා.
එමෙන්ම අදාල වන්දනා නඩය පොලිස් ආරක්ෂාව යටතේ තම නිවෙස්වල නිරෝධායනය සඳහා යොමු කිරීමට සෞඛ්‍ය බලධාරීන් කටයුතු කල බවයි වාර්තා වන්නේ.
