දුම්රිය හරස් මාර්ගය ආසන්නයේ සිදු වූ අනතුරකින් 13 හැවිරිදි දැරියක් ජීවිතක්ෂයට පත්ව තිබෙනවා.
මඩකලපුව, ත්රිකුණාමලය මාර්ගයේ ඕටමාවඩි දුම්රිය හරස් මාර්ගය ආසන්නයේ දී මෙම අනතුර සිදු වී ඇති බවයි වාර්තා වෙන්නේ.
පෞද්ගලික බස්රථයක් සහ යතුරුපැදියක් ගැටීමෙන් මෙම අනතුර සිදු ව ඇති අතර අනතුරෙන් බරපතළ තුවාල ලැබූ යතුරුපැදියේ ගමන් කළ 13 හැවිරිදි දැරිය, වාලච්චේන රෝහලට ඇතුළත් කිරීමෙන් පසු ජීවිතක්ෂයට පත්ව තිබෙනවා.
අනතුරට සම්බන්ධ පෞද්ගලික බස්රථ රියදුරු අත්අඩංගුවට ගෙන ඇති අතර ඔහු එම අවස්ථාවේ බීමතින් සිට ඇති බව ද අනාවරණය වී තිබෙනවා.
යතුරුපැදිකරුද බරපතළ තුවාල ලබා එම රෝහලේම ප්රතිකාර ලබන බව සඳහන්.