ජනාධිපති අපේක්ෂකයා පිළිබඳව දැන් තියාම ප්රසිද්ධියේ කිසිවක් ප්රකාශ නොකරන ලෙස පොදුජන පෙරමුණේ ප්රබලයින් එම පක්ෂයේ මැති ඇමතිවරුන්ට දැනුම් දී තිබෙනවා.
දේශපාලන ආරංචි මාර්ග පෙන්වා දෙන්නේ ජනාධිපතිවරණයට තවත් වසරකට වැඩි කාලයක් ඇති බවයි.
ඒ හේතුවෙන් පොහොට්ටුවේ අපේක්ෂකයෙකු සම්බන්ධයෙන් දැන් සිටම අදහස් පළ කිරීම ගැටළුකාරී තත්ත්වයක් උදා කරනු ඇති බවයි පක්ෂයේ බලධාරීන් මැති ඇමතිවරුන්ට දැනුම් දී ඇත්තේ.
පසුගිය දිනවල මීළඟ ජනාධිපති අපේක්ෂකයා සම්බන්ධයෙන් පොදුජන පෙරමුණේ මන්ත්රීවරුන් කිහිපදෙනෙක් විවිධ ස්ථානවලදී ප්රසිද්ධියේ ප්රකාශ සිදුකළ අතර ඒ සම්බන්ධයෙන් පක්ෂ අභ්යන්තරයේ මත භේදයක් ද හටගෙන තිබුණා.
දැන් සිට ජනාධිපති අපේක්ෂකයෙකු සම්බන්ධයෙන් අදහස් දැක්වීම පක්ෂයේ ඉදිරි ගමනට බාධාවක් විය හැකි බවයි ඔවුන් පෙන්වා දී ඇත්තේ.
මේ අතර ආණ්ඩු පක්ෂයේ ප්රධාන සංවිධායක ප්රසන්න රණතුංග සහ විදුලි බල හා බලශක්ති ඇමති කංචන විජේසේකර යන මහත්වරුන් පසුගියදා ප්රසිද්ධියේ ප්රකාශ කළේ,මීළඟ ජනාධිපති අපේක්ෂකයා ලෙස ජනාධිපති රනිල් වික්රමසිංහ මහතා සුදුසු බවයි.