උපුල් තරංගගේ සභාපතීත්වයෙන් යුත් නව තේරීම් කමිටුව ශ්රී ලංකා 20-20 ක්රිකට් කණ්ඩායමේ නායකත්වයේ වෙනසක් සිදු කිරීමට තීරණය කර ඇති බව ක්රිකට් ආරංචි මාර්ග පවසනවා.
ඒ අනුව, විස්සයි විස්ස කණ්ඩායමේ නායකත්වයට තුන්ඉරියව් ක්රීඩක වනිඳු හසරංගව පත්කිරීමට අවධානය යොමු ව ඇති බව වාර්තා වනවා.
වනිඳු හසරංග 2019 වසරේදී නවසීලන්තයට එරෙහිව විස්සයි විස්ස වරම් හිමිකරගත් අතර, තරග 58කට ක්රීඩා කර ඇති ඔහු දවාගෙන ඇති 20 – 20 කඩුලු සංඛ්යාව 91ක්.
2021 වසරේ දී ශ්රී ලංකා එක්දින සහ විස්සයි විස්ස නායකයා ලෙස දසුන් ශානක පත් කළ අතර, 2023 එක්දින ලෝක කුසලානය අතරතුරදී අබාධයක් හේතුවෙන් ඔහුව ඉවත් කර තාවකාලිකව නායකත්වයට කුසල් මෙන්ඩිස් පත් කිරීමට එවකට තේරීම් කමිටුව කටයුතු කළා.
කෙසේ වෙතත්, එක්දින නායකත්වය සම්බන්ධයෙන් නව තේරීම් කමිටුව තවමත් තීරණයක් ගෙන නොමැති බව වාර්තා වනවා.
උපුල් තරංගගේ සභාපතීත්වයෙන් යුත් නව තේරීම් කමිටුව එළැඹෙන සඳුඳා යළි රැස්වීමට නියමිතයි.