කළුතර මුදුන මහගම ප්‍රදේශයේදී දෙදෙනෙකු අතර සිදුවූ ගැටුමකදී එක් අයෙකු විසින් අනෙක් පුද්ගලයාට පොල්ලකින් සිදුකළ පහරදීමක් හේතුවෙන් පහරකෑමට ලක්වූ පුද්ගලයා මියගොස් තිබෙනවා.
ඔවුන් දෙදෙනා මිතුරන් වන බවත් සැකකරුගේ නිවසේ මත්පැන් පානය කරමින් සිට තිබෙන බව පොලිසිය පවසනවා.
එහිදී ඇතිවු ගැටුමක් දුරදිගයෑමෙන් සැකකරු විසින් කිතුල් පොල්ලකින් මෙම පුද්ගලයාගේ හිසට පහරදී අසල්වැසියෙකුට තමන් සිය මිතුරාට පහර දුන් බවත් ඔහුව රෝහලකට රැගෙන යන ලෙසත් පවසා තිබෙනවා.
පහරදුන් සැකකරු සිය 12 හැවිරිදි පුත්‍රයාද රැගෙන ප්‍රදේශයෙන් පළාගොස් ඇති බව පොලීසිය පවසනවා.
බරපතළ තුවාල ලබා සිටි පුද්ගලයා පිඹුර ප්‍රාදේශීය රෝහලට ඇතුළත් කර පසුව වැඩිදුර ප්‍රතිකාර සඳහා කළුතර ශික්ෂණ රෝහලට ඇතුළත් කර ප්‍රථිකර ලබමින් සිටියදී මියගොස් තිබෙනවා.
මෙලෙස මියගොස් ඇත්තේ මහගම, මුදුන මහගම ප්‍රදේශයේ පදිංචිව සිටි 49 හැවිරිදි පුද්ගලයෙක්.
