කාලගුණවිද්යා දෙපාර්තමේන්තුව විසින් ඉදිරි පැය 36ක් සඳහා කාලගුණ වාර්තාව නිකුත් කර තිබෙනවා.
බස්නාහිර, සබරගමුව, දකුණ, මධ්යම සහ වයඹ පළාත්වල විටින් විට වැසි ඇතිවන බවට අදාළ වාර්තාවේ සඳහන්.
මේ අතර බස්නාහිර සහ සබරගමුව පළාත්වලත් ගාල්ල සහ මාතර දිස්ත්රික්කවලත් ඇතැම් ස්ථානවලට මිලිමීටර් 100 ට වැඩි තද වැසි ඇතිවිය හැකි බවද එම නිවේදනයේ සඳහන්.
නැගෙනහිර සහ ඌව පළාත්වලත් පොළොන්නරුව, වවුනියා සහ මුලතිව් දිස්ත්රික්කවලත් සවස් කාලයේදී හෝ රාත්රී කාලයේදී තැනින් තැන වැසි හෝ ගිගුරුම් සහිත වැසි ඇතිවිය හැකි බවට කාලගුණවිද්යා දෙපාර්තමේන්තුව සඳහන් කරනවා .
මේ අතර කාලගුණවිද්යා දෙපාර්තමේන්තුව වැඩිදුරටත් ඉල්ලා සිටින්නේ තාවකාලික තද සුළං සහ අකුණු මගින් සිදුවිය හැකි අනතුරු අවම කරගැනීමට අවශ්ය පියවර ගන්නා ලෙසයි.
තවද ජාතික ගොඩනැගිලි පර්යේෂණ සංවිධානය විසින් දිස්ත්රික්ක 4ක් සඳහා කහ වර්ණයෙන් යුතු නායයෑමේ පූර්ව අනතුරු ඇඟවීමේ නිවේදනයක් නිකුත් කර තිබෙනවා.
ඒ අනුව ගාල්ල දිස්ත්රික්කයේ බද්දේගම, නාගොඩ සහ ඇල්පිටිය ප්රදේශවලට මෙන්ම කළුතර දිස්ත්රික්කයේ මතුගම, බුලත්සිංහල, ඉංගිරිය සහ වලල්ලාවිට ප්රදේශවලට කහ වර්ණයෙන් යුතු නායයෑමේ පූර්ව අනතුරු ඇඟවීම නිකුත් කර තිබෙන බව සඳහන්.
කෑගල්ල දිස්ත්රික්කයේ දැරණියගල, යටියන්තොට, බුලත්කොහුපිටිය, රුවන්වැල්ල සහ දෙහිඕවිට ප්රදේශවලටත් රත්නපුර දිස්ත්රික්කයේ ඇහැළියගොඩ, කුරුවිට සහ රත්නපුර ප්රදේශවලටත් කහ වර්ණයෙන් යුතු නායයෑමේ පූර්ව අනතුරු ඇඟවීමේ නිවේදනය නිකුත් කර තිබෙනවා.