ඉරාන ජනාධිපති ඉබ්රහිම් රයිසි සමග ශ්රී ලංකාවේ සංචාරය කිරීමට නියමිතව සිටි ඉරාන අභ්යන්තර කටයුතු අමාත්ය අහමඩ් වහිඩි අත්අඩංගුවට ගන්නා ලෙස ජාත්යන්තර පොලිසිය රතු නිවේදනයක් නිකුත් කර තිබෙනවා.
විදෙස් මාධ්ය පවසන්නේ ආර්ජන්ටිනාවේ විදේශ කටයුතු අමාත්යාංශය සිදු කළ ඉල්ලීමක් මත ජාත්යන්තර පොලීසිය මෙම නිවේදනය නිකුත් කර ඇති බවයි.
එමෙන්ම, අහමඩ් වහිඩි අත් අඩංගුවට ගන්නා ලෙස ආජන්ටිනාව පාකිස්තාන රජයෙන් මෙන්ම ශ්රී ලංකා රජයෙන්ද ඉල්ලීම් කර ඇති බව සඳහන්.
1994 දී ආර්ජන්ටිනාවේ බුඅනස් අයර්ස් අගනුවර යුදෙව් ජනතාව ඉල්ලක්ක කරගනිමින් එල්ල වූ බෝම්බ ප්රහාරයට වග උත්තරකරුවෙකු ලෙසයි ඔහුව මෙලෙස අත්අඩංගුවට ගැනීමට නියෝග කර තිබෙනවා.
1984 ජුලි 18 එල්ල වූ මෙම බෝම්බ ප්රහාරයෙන් 85 දෙනෙකු ජීවිතක්ෂයට පත්වුණා.
මෙම චෝදනා එල්ල වන ඉරාන අභ්යන්තර කටයුතු අමාත්ය අහමඩ් වහිඩි කලක් ඉරානයේ ප්රබලම හමුදා ඒකකය වන කුඩ්ස් බලකායේ ප්රධානියා ලෙසද සේවය කළා.
ඉරාන විප්ලවීය හමුදාවේ ප්රධාන හමුදා කාණ්ඩය වන කුඩ්ස් බලකායේ ප්රධානියා සැලකෙන්නේ ජාතික වීරයෙක් ලෙසයි.
ඉරාන අභ්යන්තර කටයුතු අමාත්ය අහමඩ් වහිඩි ශ්රී ලංකාවේ සංචාරය සඳහා එක් වීමට නියමිතව සිටියත් ඔහු අද (24) දිනයේ ශ්රී ලංකාවට ආ දුත කණ්ඩායමේ නොසිටි බව ශ්රී ලංකා විදේශ කටයුතු අමාත්යංශය පවසා තිබෙනවා.
නමුත් මීට පෙර ශ්රී ලංකාවට එන ඉරාන දුත කණ්ඩායමට ඔහුද ඇතුළත්ව සිටියා.