ශ්රී ලංකාවේ ඉතිහාසය අධ්යයනය කිරීම සඳහා නව ආයතනයක් කඩිනමින් ස්ථාපිත කරන බව ජනාධිපති රනිල් වික්රමසිංහ මහතා පවසනවා.
ඔහු මේ බව සඳහන් කළේ මහවැලි කේන්ද්රයේදී ඊයේ (27) පැවැති රාජකීය ආසියාතික සංගමයේ 178 වන සැමරුමට එක්වෙමින්.
ඒ අනුව ජාතික කෞතුකාගාරය, ලේඛනාරක්ෂක දෙපාර්තමේන්තුව, පුරාවිද්යා දෙපාර්තමේන්තුව මෙන්ම සංස්කෘතික ත්රිකෝණය, විශ්වවිද්යාල සහ රාජකීය ආසියාතික සංගමය සම්බන්ධ කරගනිමින් එම ආයතනය ස්ථාපිත කරන බවත් අදාළ නීති කෙටුම්පත කඩිනමින් අවසන් කිරීමට පියවර ගන්නා බවත් ජනාධිපතිවරයා මෙහිදී පෙන්වා දුන්නා.
ජනාධිපති රනිල් වික්රමසිංහ මහතා වෙත රාජකීය ආසියාතික සංගමයේ ප්රකාශන කිහිපයක මුල් කෘති පිරිනැමීම ද මෙම අවස්ථාවේදී සිදුකළා.