පාසල් ළමුන්ට ලිංගික අධ්යාපනය ලබාදීමට අදාළව ගුරුවරුන් පුහුණු කිරීමේ කටයුතු මේ වසරේ සිට ජාතික අධ්යාපන විද්යා පීඨවල ආරම්භ කිරීමට අධ්යාපන අමාත්යාංශය තීරණය කර තිබෙනවා.
එම අමාත්යාංශය මෙම තීරණයට එළැඹ ඇත්තේ පෙර පාසලේ සිටම දරුවන්ට ලිංගික අධ්යාපනය ලබා දිය යුතු බවට ළමයින් සඳහා වන පාර්ලිමේන්තු සංසදය කර තිබෙන නිර්දේශයත් සමගයි.
ලිංගික අධ්යාපනය ලබාදීමට අදාළව විෂය නිර්දේශ ඇතුළත් පොත් සකස් කළ හැකි වුවත් එම කරුණු සිසුන්ට ඉගැන්වීම සම්බන්ධයෙන් ගුරුවරුන්ට විශේෂ පුහුණුවක් ලබාදීමේ අවශ්යතාවැඩ බොහෝ දෙනෙක් අමාත්යාංශයේ අවධානය යොමු කර තිබෙනවා.
එම කරුණු සිසුන්ට ඉගැන්වීමට බොහෝ ගුරුවරුන් මැළිකමක් දැක්වීම සහ ඊට නිසි පුහුණුවක් නොලැබීම යන හේතූන් එම අමාත්යාංශය විසින් හඳුනාගෙන ඇති බව සඳහන්.
අධ්යාපන අමාත්යාංශය පෙන්වා දෙන්නේ ලිංගික අධ්යාපනය ලබාදීමට අදාළව විෂය නිර්දේශ ඇතුළත් පොත් සකස් කළ හැකි වුවත් එම කරුණු සිසුන්ට ඉගැන්වීම සම්බන්ධයෙන් ගුරුවරුන්ට විශේෂ පුහුණුවක් ලබාදීමේ අවශ්යතාව බොහෝ පිරිසක් අවධානය යොමු කර ඇති බවයි.
තවත් පිරිසක් අමාත්යාංශයට යෝජනා කර ඇත්තේ උසස් පෙළ විද්යා අංශයේ උගන්වන ගුරුවරුන් පහළ ශ්රේණිවල දරුවන්ට ලිංගික අධ්යාපනය ලබාදීම වඩා යෝග්ය බවයි.
කෙසේ නමුත් උසස් පෙළ විෂය නිර්දේශය අනුව පහළ ශ්රේණිවල ඉගැන්වීම් එම ගුරුවරුන් යෙදවීම ප්රයෝගික නොවන බවද අධ්යාපන බලධාරීන්ට පෙනී ගොස් තිබෙනවා.
මේ අනුව ජාතික අධ්යාපන විද්යාපීඨ මෙම වසරේ සිට උපාධි ප්රදානය කරන ආයතන බවට පරිවර්තනය කිරීමට අමාත්යාංශය උත්සාහ කරමින් සිටින අතර ඒ අනුව විෂය මාලා සංශෝධනයක් ද සිදු කිරීමට නියමිතයි.