අ.පො.ස උසස් පෙළ විභාගය පැවැත්වීම පිළිබඳව විභාග දෙපාර්තමේන්තුව විශේෂ දැනුම්දීමක් සිදුකර තිබෙනවා.
ඒ අනුව 2023 උසස් පෙළ විභාගය 2024 ජනවාරි 04 ආරම්භ කර ජනවාරි 31 දක්වා පවත්වන බව එම දෙපාර්තමේන්තුව සඳහන් කරනවා.
ප්‍රවේශපත්‍ර සහ කාල සටහන පාසල් අයදුම්කරුවන් සඳහා පාසල් ප්‍රධානීන් වෙත පෞද්ගලික අයදුම්කරුවන් සඳහා පුද්ගලික ලිපින වෙතද තැපල්කර යවා ඇති බවයි වාර්තා වෙන්නේ.
කිසියම් කරුණක් මත ප්‍රවේශ පත්‍ර නොලද අයදුම්කරුවෙක් වෙතොත් www.doenets.lkවෙබ් අඩවියෙන් එය බාගත කර ගැනීමේ හැකියාව පවතින බව විභාග දෙපාර්තමේන්තුව පවසනවා.
එමෙන් ම පෞද්ගලිල අයදුම්කරුවන් සඳහා http://onlineexams.gov.lk/eic වෙබ් අඩවියට පිවිස ප්‍රවේශපත්‍රයේ වෙනස්කම් වෙතොත් එක් වරකදී පමණක් සංශෝදනය කර ගැනීමට දෙසැම්බර් 19 රාත්‍රි 12.00 තෙක් පමණක් අවස්ථාව හිමිවනු ඇති.
