සියළුම ඉන්ධන පිරවුම්හල් වෙත ප්රමාණවත් අයුරින් තොග සැපයීම සඳහා මේ සති අන්තයේ දින දෙකේ දී ද ඉන්ධන බෙදා හැරීම අඛණ්ඩව සිදු කරන ලෙස ලංකා ඛනිජ තෙල් නීතිගත සංස්ථාවට දැනුම් දී ඇති බව අමාත්ය කංචන විජේසේකර මහතා පවසනවා.
සිය නිල ට්විටර් ගිණුමේ සටහනක් තබමින් අමාත්යවරයා මේ බව කියා සිටියා.
අතිකාල වියදම් අඩු කිරීම සඳහා ලංකා ඛනිජ තෙල් නීතිගත සංස්ථාවේ සහ ඛනිජ තෙල් නීතිගත සංස්ථා තොග ගබඩා පර්යන්තයේ පසුගිය මාස 4 තුළ ඉරිදා සහ රජයේ නිවාඩු දිනවල ක්රියාත්මක නොවූ බවයි අමාත්යවරයා කියා සිටින්නේ.
ඉන්ධන මිලේ අඩුවීමක් අපේක්ෂාවෙන් පසුගිය සෙනසුරාදා සිට ඉන්ධන පිරවුම්හල් මඟින් ඇණවුම් ලබා නොදීම සහ අවම තොග පවත්වාගෙන ගොස් නොමැති බවද ඔහු සිය සටහනෙන් පෙන්වා දෙනවා.
වැඩිදුරටත් අදහස් දක්වමින් අමාත්යවරයා කියා සිටියේ කෝටා වැඩිකිරීමෙන් පසු පාරිභෝගිකයන්ගේ ක්ෂණික ඉල්ලුම වැඩිවීම සහ ඉන්ධන පිරවුම්හල්වල හිඟයක් නිර්මාණයවී ඇති බවයි.
Instructions has been given to CPC & CPSTL to continue fuel deliveries on Saturday & Sunday this week to supply sufficient stocks to all fuel stations. To reduce expenses on overtime, CPC & CPSTL has not been operating on Sundays & Public holidays in the last 4 months. Non… pic.twitter.com/9b4jIjmJpS
— Kanchana Wijesekera (@kanchana_wij) June 2, 2023
