ඉන්දීය ප්රිමියර් ලීග් (IPL) ක්රිකට් තරගාවලියේ විකාශන අයිතිය හිමි සමාගමේ අනුමැතියකින් තොරව නීති විරෝධී ලෙස තරග විකාශය කිරීමෙන් හා ඔට්ටු ඇල්ලීමේ යෙදුමක් ප්රවර්ධනය කිරීමෙන් ඉන්දීය රුපියල් කෝටි 100ක පාඩුවක් සිදුව ඇතැයි කියන පැමිණිල්ලට අදාලව සුපිරි නිළි තමන්නා භාටියාට (Tamannaah Bhatia) එරෙහිව පොලිස් විමර්ශන ආරම්භ කර තිබෙනවා.
මහාරාෂ්ට්ර සයිබර් පොලිස් විමර්ශන අංශය විසින් තමන්නා භාටියාට සිතාසි යවා ඇති අතර මේ 29 වැනිදා අධිකරණයේ පෙනී සිටින ලෙස දැනුම් දී තිබෙනවා.
මෙම නඩුවට අදාළව බොලිවුඩ් නළු සංජේ දත්ත පසුගිය 23 වැනිදා අධිකරණයේ පෙනී සිටින ලෙස දැනුම් දුන්නද ඔහු පැමිණියේ නැති බවයි වාර්තා වන්නේ.
තම ප්රකාශය සටහන් කර ගැනීමට ඔහු වෙනත් දිනයක් ඉල්ලා තිබෙන බව විදෙස් වාර්තාවල සඳහන් වනවා.
ඉන්දීය ප්රිමියර් ලීග් ක්රිකට් තරගාවලියේ ඔට්ටු ඇල්ලීමේ යෙදුමක් ප්රවර්ධනය කිරීමට එක් වූ බවට චෝදනා ලැබ සිටින නලු නිළියන් වන සංජේ දත්, ජැකලින් ෆර්නැන්ඩස් සහ රැප් ගායක බාෂා සමඟ සම්බන්ධ පුද්ගලයන්ගේ ප්රකාශ ද පොලීසිය විසින් සටහන් කර ගෙන තිබෙනවා.
පොලිසිය පවසන්නේ, එම ඔට්ටු ඇල්ලීමේ යෙදවුම ප්රවර්ධනයට අනුබල දුන් ප්රසිද්ධ පුද්ගලයින් 40කට වැඩි පිරිසක් විමර්ශනයට ලක්ව ඇති බවයි.