පාසල් සිසුන්ගේ ලිංගිකත්ව අධ්යාපනය ඉහළ නැංවීම සඳහා ක්රමවේද රැසක් ක්රියාත්මක කර ඇති බව අධ්යාපන අමාත්ය ආචාර්ය සුසිල් ප්රේමජයන්ත මහතා පවසනවා.
අද (19) පාර්ලිමේන්තුවේදී අදහස් දක්වමින් අධ්යාපන අමාත්යවරයා මේ බව සඳහන් කළා.
අධ්යාපන අමාත්යවරයා සඳහන් කළේ මේ සඳහා අතිරේක කියවීම් පොත් 4ක් පාසල් පුස්තකාල වෙත ලබාදී ඇති බවයි.
එහිදී වැඩිදුරටත් අදහස් දැක්වූ අධ්යාපන අමාත්ය ආචාර්ය සුසිල් ප්රේමජයන්ත මහතා,
“අධ්යාපන ප්රකාශන දෙපාර්තමේන්තුව විසින් උසස්පෙළ සිසුන් සඳහා “16+ යෞවනයට ආමන්ත්රණය” නමින් ලිංගිකත්ව අධ්යාපනය පිළිබඳව අතිරේක කියවීම් පොතක් පාසල් පුස්තකාල සඳහා සකස් කර බෙදාහැර ඇත. ඊළඟට අධ්යාපන අමාත්යාංශය මගින් 6 සිට ඉහළ ශ්රේණිවල සිසුන් සඳහා “මල්සමය ළඟයි”, 9,10,11 ශ්රේණි සඳහා “14+ අසිරිමත් නව යෞවනය” 6,7 ශ්රේණි සඳහා “12+ නව යොවුන් වියට පා තබමු” ලෙස සකස් කර ඇති අතිරේක කියවීම් පොත් මගින් ආර්ථව සෞඛ්ය පිළිබඳව සිසුන් දැනුවත් කිරීම සහ E තක්සලාව මගින් අධ්යාපන අමාත්යාංශය වෙබ් පිටුවද ඇතුළත් කර ඇත.”
“නවතම වාර්තා අනුව අවුරුදු 12ත් 47ත් අතර 40%ක් පමණ පිරිසක් නිසි සෞඛ්ය ක්රමවේද භාවිත කරන්නේ නෑ කියලා තියෙනවා. ඒ නිසා විශේෂයෙන්ම දරුවන්ගෙන් මේ වැඩේ පටන්ගත්තොත් යම් කාලසීමාවක් තුළදී දැනුවත් කිරීමක් කරගන්න පුළුවන්, ඒ නිසා මම අමාත්ය මණ්ඩලයට සංදේශය ඉදිරිපත් කරලා සුභසාධනය සඳහා වෙන්කරලා තියෙන මුදල්වලින් ඒ සඳහා මුදල් වෙන්කරවාගෙන වැඩසටහන් අපි ඉදිරිපත් කළා. ලබන සතියේ ඒක අනුමත වේවී. ඒ අනුව අපි සූදානම් වෙනවා 6 ශ්රේණියෙන් ඉහළ දරුවන් ට වවුචරයක් ලබාදීලා ඒ වගේම අපි නිර්දේශ කරනවා සෞඛ්ය අමාත්යාංශයත් SLS එකත් අධ්යාපන අමාත්යාංශයත් එකතුව කමිටුවක් දාලා මේ වෙනකොට සාකච්ඡා කරලා නිර්දේශ කරලා තියෙනවා. ප්රමිතියෙන් යුතු සනීපාරක්ෂක උපකරණ මිලදීගැනීමට අවස්ථාව දෙන්න, වවුචරයක් දෙන එක පහසුයි.”
මෙම අතිරේක කියවීම් පොත් ලබා ගැනීම සඳහා මෙතැනින් පිවිසෙන්න,
https://www.e-thaksalawa.moe.gov.lk/moodle/course/view.php?id=1516