ශ්රී ලංකා ජාතික කණ්ඩායමේ ක්රීඩකයින්, ශ්රී ලංකා ක්රිකට් ඉහළ දස්කම් මධ්යස්ථානයේ පුහුණුකරුවන් සහ ප්රධාන ක්රීඩා සමාජවල පුහුණුකරුවන් සඳහා දෙදින පුහුණු වැඩසටහනක් පැවත්විමට පාකිස්තාන හිටපු සුපිරි වේග පන්දු යවන ක්රීඩක වසිම් අක්රම් ශ්රි ලංකාව වෙත පැමිණ තිබෙන බව ශ්රී ලංකා ක්රිකට් ආයතනය පවසනවා.
ඊයේ (01) උදෑසන මෙරටට පැමිණි අක්රම්, SLC වේග ඇකඩමිය, HPC සහ ප්රධාන පුහුණුකරුවන් ආවරණය වන පරිදි සැසි පහක් පවත්වනු ඇති බවයි එම නිවේදනයේ සඳහන්.
එමෙන්ම, ඔහු එළඹෙන ICC පිරිමි T20 ලෝක කුසලානය සඳහා ශ්රී ලංකා ජාතික ක්රීඩකයින්ගේ සූදානම ද නිරීක්ෂණය කිරීමට නියමිතයි.
මේ අතර, එළඹෙන ICC පිරිමි T20 ලෝක කුසලානය සඳහා ජාතික කණ්ඩායම සූදානම් කිරීම සඳහා ශ්රී ලංකා ක්රිකට් කණ්ඩායම් 3 කින් සමන්විත T20 පුහුණු තරඟාවලියක් අද (02) ආරම්භ කිරීමට නියමිතයි.
සූදානම් වීමේ තරඟාවලිය කහ, කොළ සහ රතු කණ්ඩායම් අතර පැවැත්වෙනු ඇති.
සෑම කණ්ඩායමක්ම සාමාජිකයින් 14 දෙනෙකුගෙන් සමන්විත වන අතර වනිඳු, චරිත් හා ජනිත් මෙම කණ්ඩායම් තුනේ නායකත්වයට පත්කර තිබෙනවා.