වෛද්ය නිර්දේශයකින් තොරව ප්රතිජීවක ඖෂධ බහුල වශයෙන් භාවිත කිරීමෙන් වසර 50ක් පමණ ඇතුළත පුද්ගලයින් මරණයට පත් විය හැකි බව කොළඹ රිජ්වේ ආර්යා ළමා රෝහලේ විශේෂඥ වෛද්ය දීපාල් පෙරේරා මහතා ඩේලි මිරර් පුවත්පත වෙත පවසා තිබෙනවා.
නොවැම්බර් 18 සිට 24 දක්වා යෙදී ඇති ‘ප්රතිජීවක පිළිබඳ දැනුවත් කිරීමේ සතිය’ පිළිබඳව අදහස් දක්වමින් ඔහු වැඩිදුරටත් ප්රකාශ කර ඇත්තේ ලෝකයේ ප්රතිජීවක ඖෂධ පිළිබඳව විශේෂඥයින් පර්යේෂණ මඟින් මේ බව අනාවරණය කරගෙන ඇති බවයි.
වෛද්ය නිර්දේශයකින් තොරව ප්රතිජීවක ඖෂධ භාවිත කිරීමෙන් සිරුරේ පැවැත්මට අවශ්ය බැක්ටීරියා මිය යා හැකි අතර, ශරීරය තුළ ඊට ප්රතිරෝධී බැක්ටීරියා නිර්මාණය විය හැකි බව විශේෂඥ වෛද්ය දීපාල් පෙරේරා මහතා තවදුරටත් පෙන්වා දෙනවා.
එම ඖෂධ අධික ලෙස භාවිත කිරීමෙන් ශරීරයට හිතකර බැක්ටීරියා ද විනාශ වන බව වෛද්යවරයා සඳහන් කර තිබෙනවා.
ඒ හේතුවෙන්. අත්යවශ්ය අවස්ථාවලදී හැරෙන්නට දරුවන්ට ප්රතිජීවක ඖෂධ ලබා නොදෙන ලෙස වෛද්ය දීපාල් පෙරේරා මහතා දෙමාපියන්ගෙන් ඉල්ලා සිටිනවා.