අපනයනය සඳහා පමණක් කංසා පාදක නිෂ්පාදන සිදු කිරීම සඳහා විශේෂඥ කමිටුවේ නිර්දේශ මත අවශ්ය ක්රියාමාර්ග ගැනීමට මුදල්, ආර්ථික ස්ථායිකරණ සහ ජාතික ප්රතිපත්ති අමාත්යවරයා ලෙස ජනාධිපති රනිල් වික්රමසිංහ කැබිනට් මණ්ඩල අනුමැතිය ඉල්ලා තිබෙනවා.
ආයුර්වේද දෙපාර්තමේන්තුව සහ ශ්රී ලංකා ආයෝජන මණ්ඩලය එක්ව මෙම වැඩසටහනක් ක්රියාත්මක කිරීමට නියමිත බවයි වාර්තාවන්නේ.
නීතිරීති වලට අනුකූලව කංසා වගා කිරීම හා ඒ ආශ්රිත නිෂ්පාදන සිදු කිරීම පිළිබඳ තාක්ෂණික මාර්ගෝපදේශ ලබා දීම හා නියාමන රාමුවක් සකස් කිරීමට ආයුර්වේද දෙපාර්තමේන්තුවට පැවරෙනවා.
ඒවා අපනයනයට අදාළ ශක්යතා අධ්යනයක් සිදු කිරීම, ආයෝජන සැලැස්ම තීරණය කිරීම හා ක්රියාත්මක කිරීමේ කාල රාමුව සකස් කිරිම ඇතුළුව ආයෝජකයන් සමඟ එකඟතාවකට පැමිණීමේ කටයුතු ශ්රී ලංකා ආයෝජන මණ්ඩලය වෙත පැවරි තිබෙනවා.
ශ්රී ලංකා ආයෝජන මණ්ඩලය යටතේ පවතින භූමියක හෝ එවැනි භුමියක් නොමැති නම් රජයට අයත් භූමියක් ආයෝජන මණ්ඩලය වෙත පවරා මෙය වගා කිරීමට අවශ්ය පහසුකම් සලසා දීමටද රජය පියවර ගෙන ඇතැයි ද සඳහන් වනවා