අතුරුදහන්වූවන්ගේ පවුල් එකතුව විසින් නිහඩ විරෝධතාවක් හා ජනතාව දැනුවත් කිරීම සදහා අත් පත්‍රිකා බෙදා හැරීමේ වැඩසටහනක් ඊයේ (09) කොළඹ අලුත්කඩේ අධිකරණ සංකීර්ණය ඉදිරිපිට සංවිධානය කර තිබුණා.
ඒ,නාවික හමුදාව මගින් තරුණයින් 11 දෙනෙකු පැහැරගෙන ගොස් අතුරුදහන් කළ නඩුවේ 14 වෙනි චුදිත ලෙස නම් කර සිටින හිටපු නාවික් හමුදාපති වසන්ත කරන්නගොඩ, එම චෝදනාවලින් ඉවත් කිරීමට නීතිපති දරණ උත්සාහයට විරෝධය පළකරමින්.
2008 වසරේ අගෝස්තු සැප්තැම්බර් කාලය තුළ මෙම අතුරුදහන් වීම් වාර්තා වී තිබුණු අතර තවදුරටත් එම නඩුව අධිඅකරණයේ විභාග වෙමින් පවතිනවා.
එම පවුල්වල සාමාජිකයින් මෙන්ම ඊට යුක්තිය ඉටුකරවා ගැනීම සඳහා වෙහෙසෙන පිරිස් දිගින් දිගටම මේ වෙනුවෙන් හඬ නගමින් සිටියද තවදුරටත් ඊට බලාපොරොත්තු වන යුක්තිය ඉටුවි නැහැ.
