රතු මුහුදේ දී භාණ්ඩ ප්රවාහන නෞකාවකට හූති කැරලිකරුවන් විසින් එල්ල කළ ප්රහාරයකින් කාර්ය මණ්ඩල සාමාජිකයින් තුන්දෙනෙකු මියගොස් තිබෙන බවට වාර්තා වනවා.
අමෙරිකානු ආරක්ෂක අංශ නිවේදනය කළේ, ඉන් තවත් 4 දෙනෙකු බරපතළ පිළිස්සුම් තුවාල ලබා ඇති බවයි.
යේමනයේ ඒඩන් වරායට නාවික සැතපුම් 50 ක් ඔබ්බෙන් වූ මුහුදේදී බාබඩෝස් ධජය සහිතව යාත්රා කළ නෞකාවට එලෙස ප්රහාර එල්ල වී තිබුණා.
ප්රහාරය එල්ල වනවිට එහි කාර්ය මණ්ඩල සාමාජිකයින් 20 දෙනෙකු සහ පෞද්ගලික ආරක්ෂක සමාගම් විසින් යොමු කළ ආරක්ෂක සාමාජිකයින් තුන්දෙනෙකු සිට තිබෙන අතර ඉන් දෙදෙනෙක් ශ්රී ලාංකිකයින් බවයි වාර්තා වන්නේ.
එමෙන්ම නේපාල ජාතිකයෙකු,වියට්නාම ජාතිකයින් 4ක්, පිලිපීන ජාතිකයින් 15ක් සහ ඉන්දියානුවෙකු කාර්ය මණ්ඩල සාමාජිකයින් අතර සිටින බව විදෙස් මාධ්ය වාර්තා සඳහන් කරනවා.
යාත්රාව ගිනි ගනිමින් ඇති බව අමෙරිකානු ආරක්ෂක අංශ සඳහන් කළා.
විදෙස් මාධ්ය තවදුරටත් සඳහන් කළේ නෞකාවේ සිටි සෙසු සාමාජිකයින් පිළිබඳ මෙතෙක් නිශ්චිත තොරතුරක් වාර්තා නොවන බවයි.