මේ වන විට දැඩි කතාබහකට ලක්ව සිටින මාධ්‍යෙව්දියෙකු වන සියත TV නාලිකාවේ ලාල් හේමන්ත මාවලගේ මහතාට අද (25) පැවති රයිගම් ටෙලි සම්මාන උළෙලේදී ජූරියේ කුසලතා සම්මානයට පාත්‍ර වුණා.
ඒ ඔහු විසින් නිෂ්පාදනය කළ ටෙලිවිෂන් ටෙලි වැකිය වැඩසටහනටයි.
සියත ටෙලිවිෂන් ටෙලි වැකිය වැඩසටහන දැඩි ප්‍රේක්ෂක අවධානයක් ලබාගෙන තිබුනද මෙම වැඩසටහන හරහා පාර්ලිමේන්තු මන්ත්‍රීවරුන්ගේ වරප්‍රසාද කඩවූවා යැයි මේ වන විටත් චෝදනාවක් එල්ලවී තිබෙනවා.
මීට දැඩිව විරෝධය පලකරමින් මාධ්‍ය සංවිධාන කිහිපයක්ම විසින් නිවේදන නිකුත් කර තිබූ අතර ශ්‍රී ලංතා වෘත්තීය ජනමාධ්‍යවේදීන්ගේ සංගමය නිවේදනය කළේ ආණ්ඩුව මාධ්‍ය මර්දනය කිරීමට සූදානම් වන්නේ නම් මෙම ගැටළුව ජාත්‍යන්තරය දක්වා රැගෙන යන බවයි.
2008 වසරේ දෙසැම්බර් 28 ශ්‍රී ලංකා රූපවාහිනී සංස්ථාවට කඩාවැදුනු එවකට මහින්ද රාජපක්ෂ ආණ්ඩුවේ කැබිනට් ඇමතිවරයෙකු වූ මර්වින් සිල්වාගේ බිහිසුනු ප්‍රහාරයකට ලක්ව ලාල් හේමන්ත මාවලගේ මාධ්‍යවේදියා ඉතා අසීරුවෙන් දිවි බේරාගත් අයෙක් වනවා.
අද වන විටත් ඔහුට එල්ල කළ ප්‍රහාරයට විධිමත් පරීක්ෂණයක් පවත්වා යුක්තිය ඉටු නොකර තිබීම විශේෂත්වයක්.
