ඔහිය සහ ඉඳල්ගස්හින්න අතර ප්රදේශයේදී පස් කන්දක් දුම්රිය මාර්ගයට කඩා වැටීම හේතුවෙන් උඩරට මාර්ගයේ දුම්රිය ගමනාගමනයට බාධා එල්ල වී තිබෙනවා.
මේ හේතුවෙන් කොළඹ සිට බදුල්ල බලා ධාවනය වූ රාත්රී තැපැල් දුම්රිය ඔහිය දුම්රිය ස්ථානයේ නැවැත්වීමට පියවර ගෙන තිබෙන අතර බදුල්ලේ සිට කොළඹ බලා ධාවන වූ උඩරට මැණිකේ දුම්රිය හපුතලේ දුම්රිය ස්ථානයේ නැවැත්වීමට සැලසුම් කර තිබෙන බව දුම්රිය දෙපාර්තමේන්තුව සඳහන් කළා.
දුම්රිය දෙපාර්තමේන්තුව සඳහන් කළේ, උඩරට දුම්රිය මාර්ගය යථාතත්වයට පත්කිරීම සඳහා පැය 03ක පමණ කාලයක් ගතවනු ඇති බවයි.
මහනුවර – නුවරඑළිය මාර්ගයට ගසක් කඩා වැටීමෙන් එම මාර්ගයේ ගමනාගමන කටයුතු සම්පූර්ණයෙන් ඇණහිට තිබෙනවා.
පොල්ගහඅන්ග ප්රදේශයේදී මෙම ගස කඩා වැටී ඇති බව පොලීසිය පවසනවා.
මේ හේතුවෙන් ගෙලිඔය සහ වැලිගල්ල අතර ප්රදේශයෙන් මහනුවර – නුවරඑළිය මාර්ගය අවහිර වී ඇති බවද සඳහන්.