කොවිඩ් මර්දන කමිටුවේ උපදේශකයෙකු ලෙස හිටපු සෞඛ්ය සේවා අධ්යක්ෂ ජනරාල් විශේෂඥ වෛද්ය අනිල් ජාසිංහ මහතා යළි කැඳවන බවට සෞඛ්ය ඇමතිනි පවිත්රා වන්නිආරච්චි මහත්මිය ප්රකාශ කර සිටියත් ඒ සඳහා මෙතෙක් කැඳවීමක් කර නොමැති බව ඉරිදා ලංකාදීප පුවත්පත වාර්තා කර ඇත.
අනිල් ජාසිංහ මහතා සෞඛ්ය සේවා අධ්යක්ෂ ජනරාල්වරයා ලෙස කොවිඩ් මර්දන වැඩපිළිවෙලට විශාල දායකත්වයක් ලබාදෙමින් සිටියදී ඔහු ඉවත් කිරීම පිළිබඳ විපක්ෂය පාර්ලිමේන්තුවේදී ප්රශ්න කළ අවස්ථාවේදී සෞඛ්ය ඇමතිනී පවිත්රා වන්නිආරච්චි ඔහු කැඳවන බව කියා තිබුණි.
ඇය ප්රකාශ කර තිබුණේ තමන් කතාව පවත්වන දිනයේ සිටම අනිල් ජාසිංහ මහතා කොවිඩ් මර්දනය පිළිබඳ සාකච්ඡාවලට සහභාගී කරවාගන්නා බවය. එහෙත් මේ දක්වාම ඔහු එවැනි සාකච්ඡාවකට සහභාගී කර නොගත් බව සෞඛ්ය අමාත්යාංශයේ ජ්යෙෂ්ඨ ප්රකාශකයෙක් ඉරිදා ලංකාදීපයට කියා තිබුණි.
වසංගත තත්වය මැද සෞඛ්ය සේවා අධ්යක්ෂ ජෙනරාල් තනතුරෙන් වෛද්ය අනිල් ජාසිංහ ඉවත් කොට වෙනත් නනතුරකට යැවීම ගැන විවිධ පිරිස් විවේචන ඉදිරිපත් කර තිබුණි.