ඔමික්රෝන් කොවිඩ් ප්රභේදය ආසාදනය වූ තවත් 160 දෙනෙකු මෙරටින් හඳුනාගෙන තිබෙනවා.
ශ්රී ජයවර්ධනපුර විශ්වවිද්යාලයේ ආසාත්මිකතා, ප්රතිශක්ති විද්යා හා සෛල ජෛව විද්යායතනයේ අධ්යක්ෂ, ආචාර්ය චන්දිම ජීවන්දර මහතා ඒ බව තහවුරු කර සිටිනවා.
අදාළ ආසාදිතයින් පිරිස එම විශ්වවිද්යාලයේ රසායනාගාරය මගින් සිදුකළ පර්යේෂණ තුළින් හඳුනාගත් බවයි ඔහු සඳහන් කර සිටින්නේ.
ඒ අනුව මෙරටින් මේ දක්වා හඳුනාගෙන ඇති ඔමික්රෝන් ප්රභේදය ආසාදනය වූ පුද්ගලයින් සංඛ්යාව 208 දෙනෙකු දක්වා ඉහළ ගොස් තිබෙනවා.
මේ අතර, එන්නත්කරණයෙන් සැපයෙන ආරක්ෂාව හේතුවෙන් ඔමික්රෝන් වැලඳෙන වැඩිහිටියන් බහුතරයකට දරුණු රෝගාබාධ ඇතිවීමේ අවදානම අඩු බවට ඉහළ විශ්වාසයක් පවතින බව එක්සත් රාජධානියේ සෞඛ්ය ආරක්ෂක ඒජන්සිය පවසනවා.
මේ අතර, කොවිඩ් වැලඳීමෙන් පසු අවදානම දෙගුණ කරන සුවිශේෂී වූ ජානයක් සොයා ගැනීමට පෝලන්ත විද්යාඥයින් පිරිසක් සමත්වී තිබේ.
ඔවුන් පෙන්වා දෙන්නේ වැඩි අවදානමක් සහිත කොවිඩ් රෝගීන් හඳුනාගෙන එන්නත් ලබාගැනීමට ඔවුන් දිරිගැන්වීමට මෙමගින් මහත් පිටුවහලක් ලැබෙන බවය.
යුරෝපයේ ජනගහනයෙන් සියයට 8ත් – 9ත් අතර පිරිසක් තුළ, පෝලන්ත ජනගහනයෙන් 14%ක සහ ඉන්දියානුවන්ගෙන් 27% මෙම ජානය පවතින බව හෙළිවී තිබේ.