තමා ප්රංශයේ සිදුකළ සංචාරයේදී තල් ආශ්රිත නිෂ්පාදන වන තල් රා, තල් අරක්කු, තල් හකුරු ආදිය ප්රංශ වෙළඳපොල වෙත අපනයනය කිරීමට ගිවිසුමකට එළැඹි බව පොල්, කිතුල් හා තල් වගා ප්රවර්ධනය හා ආශ්රිත කාර්මික භාණ්ඩ නිෂ්පාදන හා අපනයන විවිධාංගීකරණ රාජ්ය අමාත්ය අරුන්දික ප්රනාන්දු මහතා පවසනවා.
උතුරේ තල් සංවර්ධන අධිකාරිය හා සම්බන්ධවී මෙය සිදුකිරීමට බලාපොරොත්තු වන බවයි ඔහු පවසන්නේ.
මෙරටට ගෙන්වන ආහාරද්රව්ය ඇතුළු භාණ්ඩ ආනායනය කිරීම සම්බන්ධ ගැටළු ඇති වී ඇත්තේ ඩොලර් ආදායම පහත යාම හේතුවෙන් බවත් සංචාරක කර්මාන්තය ඇතුළු කර්මාන්ත රාශියක් කොවිඩ් වසංගතය හේතුවෙන් අර්බුදයකට ලක්ව තිබීම මීට හේතුවී ඇති බවත් අමාත්යවරයා පවසනවා.
එබැවින් මෙවැනි කාලයකදී වැවිලි කර්මාන්තය වැනි කර්මාන්ත හරහා විදේශ විනිමය ඉපයීමට අවධානය දී ඇති බවයි ඔහු පවසන්නේ.
කෙසේ නමුත්, සංචාරක කර්මාන්තය වැනි කර්මාන්ත ඉක්මනින්ම යථා තත්වයට පත්කිරීමට බලාපොරොත්තු වන බවත් රට නැවතත් සාමාන්ය තත්වය ගෙන ඒම වෙනුවෙන්ද ජනතාවගේ ජීවිතාරක්ෂාව වෙනුවෙන්ද වැදගත් එන්නත්කරණය ශීඝ්රයෙන් සිදු කරන ජනාධිපති ගෝඨාභය රාජපක්ෂ මහතාට තමා අත් එකතු කර වන්දනා කරන බවත් අරුන්දික ප්රනාන්දු මහතා පවසනවා.