මේ වන විට පාන් පිටි මාෆියාවක් ක්‍රියාත්මක වන බව ආපන ශාලා හිමියන්ගේ සංගමයේ සභාපති අසේල සම්පත් පවසනවා.
ඒ, ඊයේ (26) දින මාධ්‍ය වෙත අදහස් දක්වමින්.
ඉදිරි සතියක් ඇතුළත පාන් පිටි මිල අඩු කිරීමට අදාළ සමාගම් කටයුතු කළ යුතු වන බවත් එසේ නොවුණහොත් ඊට එරෙහි සටන ආරම්භ කරන බවත් ඔහු අවධාරණය කරනවා.
පාරිභෝගික අධිකාරිය කඩිනමින් මැදිහත් වී මේ සඳහා පාලන මිලක් ඇති කළ යුතු වන බවයි අසේල සම්පත් සඳහන් කරන්නේ.
මෙම පාන් පිටි මාෆියාව හේතුවෙන් බොහෝ දෙනෙකුගේ ජීවනෝපායන් පවා අහිමි වී ගොස් තිබෙන බවත් තමන් මෙලෙස ක්‍රියාත්මක වන්නේ රටේ ජනතාවගේ කුසගිනි නිවීම සඳහා මිස සමාගම් බියවද්දා මුදල් ගරා ගැනීමට නොවන බවත් ඔහු වැඩිදුරටත් ප්‍රකාශ කරනවා.
