චීන ට්රෝලර් යාත්රා පාකිස්තානයේ බටහිර දෙසින් පිහිටි බලුකිස්තානයේ ජලය අයුතු ලෙස ප්රයෝජන ගැනීම නතර නොකරන්නේ නම් ග්වාදාර් වරාය වසා දමන බවට බලුච් නායක මවුලානා හිදාතුර් රෙහ්මාන් අනතුරු අගවා තිබේ.
බලුකිස්තාන ග්වාදාර් වරායේ චීන ධීවර යාත්රා සිය ගණනක් නැංගුරම් ලා ඇති අතර එය පළාතේ දහස් ගණන් ධීවරයින්ගේ ජීවනෝපායට තර්ජනයක් වී ඇත.
බලුකිස්තාන් වෙරළ චීන ට්රෝලර් මාෆියාවෙන් නිදහස් කිරීම, ග්වාදර්හි දේශසීමා ස්ථාන විවෘත කිරීම, මත්ද්රව්ය ජාවාරම් ඉවත් කිරීම සහ අනවශ්ය මුරපොලවල් ඉවත් කිරීම ඇතුළු ඉල්ලීම් පළාත් රජය විසින් ඉටු නොකළහොත් ජූලි 21 සිට ග්වාදාර් වරාය වසා දමන බවට රෙහ්මාන් තර්ජනය කර ඇති බව පකිස්තාන වාර්තා පවසයි.
පසුගිය දා මාධ්ය හමුවක් අමතමින් රෙහ්මාන් කියා සිටියේ මේ වසරේ අප්රේල් මාසයේදී මාසයක් පුරා වරාය නගරයේ පැවති විරෝධතාව අවසන් කිරීමට රජය විසින් අත්සන් කරන ලද ගිවිසුමේ පොරොන්දු ඉටු නොකිරීම හේතුවෙන් විරෝධතාවක් ලෙස වරාය වසා දමන බවයි.
ඔහු ජමාත්-ඉ-ඉස්ලාමි හි පළාත් ප්රධාන ලේකම් ද වන අතර ග්වාදර් අයිතිවාසිකම් ව්යාපාරයට නායකත්වයට ලබාදෙයි.
ඔහු බලුකිස්තානයේ විරුද්ධ පක්ෂ ද විවේචනය කරමින් කියා සිටියේ ඔවුන් බලුකිස්තානයේ ජනතාවගේ අයිතිවාසිකම් වෙනුවෙන් හඬක් නොනැඟූ බවයි.