කොළඹ වරාය නගරයේ චීන සංවර්ධන බැංකුවේ කලාපීය මූලස්ථානයක් පිහිටුවීමට අවශ්‍ය සියලු පහසුකම් සැලසීමට ශ්‍රී ලංකා රජය සූදානම් බව මුදල් අමාත්‍ය බැසිල් රෝහණ රාජපක්ෂ මහතා පවසනවා.
චීන මහජන කොන්ග්‍රසයේ ස්ථාවර කමිටු සභාපති (චීන පාර්ලිමේන්තුවේ කතානායක) ලී ෂන්සු මහතා සමග සූම් තාක්ෂණය ඔස්සේ ඊයේ (01) පෙරවරුවේ සාකච්ඡාවක් පවත්වමින් අමාත්‍යවරයා මේ බව පවසා සිටියා.
එමෙන්ම ශ්‍රී ලංකාවේ ආයෝජන අවස්ථා සදහා චීනයේ සහය අපේක්ෂා කරන බවත් මුදල් අමාත්‍යවරයා මෙහිදී පවසන ලදි.
මෙහිදී චීන මහජන කොන්ග්‍රසයේ ස්ථාවර කමිටු සභාපති (චීන පාර්ලිමේන්තුවේ කථානායක) ලී ෂන්සු මහතා ප්‍රකාශ කර සිටියේ කොළඹ වරාය නගර ව්‍යාපෘතිය ඇතුළු අනෙකුත් ආයෝජන සදහා චීනය පහසුකම් සලසන බවයි
එමෙන්ම, ශ්‍රී ලංකාවේ සමීප මිතුරකු වශයෙන් මෙරට ආර්ථිකයට උපරිම සහයෝගය දෙන බවත් මෙම සාකච්ඡාව වඩාත් පුළුල් ලෙස ඉදිරියට ගෙන යාමටද කැපවන බවත් ඔහු මෙහිදී සහතික වී සිටියා.
මෙම සාකච්ඡාවට කතානායක මහින්ද යාපා අබේවර්ධන සහ විදේශ කටයුතු පිළිබඳ අමාත්‍ය මහාචාර්ය ජී එල් පීරිස් යන මහත්වරුන් ද සහභාගි විය
