බැසිල් රාජපක්ෂ මුදල් ඇමති වීමෙන් පසුව රට මේ තරම් දරුණු ආර්ථික ගැටළු රැසකට මුහුණ දීම ආරම්භ වූ බවට ජනතාව අතර මතයක් ඇති බවත්, එබැවින් කළ යුතුව ඇත්තේ බැසිල් රාජපක්ෂ මුදල් අමාත්‍ය ධූරයෙන් ඉවත් කිරීම බවත් කොළඹ විශ්ව විද්‍යාලයේ කුලපති, මුරුත්තෙට්ටුවේ ආනන්ද හිමියන් පසුගියදා ප්‍රකාශ කර තිබුණි.
රටේ සාපය බැසිල් බවට මතයක් ජනතාව අතර පවතින බැවින්, එය සැබෑවක්ද නැද්ද යන්න ඔප්පු කර පෙන්වීම බැසිල් රාජපක්ෂගේ වගකීමක් බවයි උන්වහන්සේ එහිදී පවසා තිබුණේ.
කෙසේ වෙතත්, දිවයින පුවත්පත සමග අදහස් දක්වමින් බව අග‍්‍රාමාත්‍ය මහින්ද රාජපක්ෂ මහතා පවසා තිබුණේ “එක් එක්කෙනාගේ කතාවලට බැසිල් ඉවත් කළ නොහැකි” බවටයි.
අමාත්‍යවරයෙකු අමාත්‍ය මණ්ඩලයෙන් ඉවත් කිරීමේ තීරණය ගත යුත්තේ ජනාධිපතිවරයා බවත් , ඇතැම් පාර්ශවයන් පෞද්ගලික එදිරිවාදිකම් පිරිමසා ගැනීම සදහා අමාත්‍යවරු අමාත්‍ය ධූරවලින් ඉවත් කිරීමට යෝජනා කරන බවත්,මේ මොහොතේ කළ යුත්තේ රට තුළ ඇති වී තිබෙන තත්ත්වය විසදීම සදහා රජයට සහාය වීම බවත් අග‍්‍රාමාත්‍යවරයා අවධාරණය කර සිටිනවා.
