පාතාලයේ විවිධ තර්ජන හේතුවෙන් තමා ජීවත් වන්නේ බියෙන් බව ප්‍රකට බොලිවුඩ් නළු සල්මාන් ඛාන් පවසනවා.
ඉන්දීය රුපවාහිනී වැඩසටහනකට එක්වෙමින් ඔහු බව ප්‍රකාශ කර තිබෙනවා.
ප්‍රකට පාතාල නායකයෙකු වන ලෝරන්ස් බිෂ්නොයිගෙන් මෙලෙස ඔහුට මරණ තර්ජන එල්ල වී ඇති බවයි වාර්තා වන්නේ.
මේ හේතුවෙන් සල්මන් ඛාන් හට පෞද්ගලික ආරක්ෂාවක් සැපයීමට ඉන්දීය ආරක්ෂක අංශ මේ වන විට පියවරගෙන තිබෙනවා.
“මම හැමතැනම යන්නේ පූර්ණ ආරක්ෂාව සහිතව, මම දන්නවා මම මොන දේ කරත් වෙන්න යන දේ නවත්තන්න බැරි බව. මම දෙවියන් විශ්වාස කරනවා. දැන් මගේ වටේ ආරක්ෂකයෝ ගොඩක් ඉන්නවා. තුවක්කු ගොඩක් මාත් එක්ක යනවා. නමුත් මේ දවස්වල මම බයයි.
ආනාරක්ෂිතභාවයට වඩා ආරක්ෂාව හොඳයි. දැන් මට පාරේ බයිසිකලේ පැදගෙන තනියම කොහෙවත් යන්න බැහැ. කොහොම නමුත් මම ගොඩක් පරිස්සම් වෙන්න ඕනේ”
