කෑගල්ල ප්රදේශයට ඇතිවු අධික වර්ෂාව හේතුවෙන් ගල් පෙරලීමෙන් වන හානිය වලක්වා ගැනීමට කොළඹ නුවර මහා මාර්ගයේ කෑගල්ල විකල්ප මාර්ගය නැවත දැනුම් දෙන තුරු රථවාහන ධාවනය නවතා දැමීමට කෑගල්ල රථවාහන පොලීසිය අද (29) සවස තීරණය කර තිබෙනවා.
දැනට එම ප්රදේශයේ මාර්ගයේ දකුණු පැත්තේ ඇති කදු කොටසේ ඉහල ඇති ගල් නාය යෑමේ තර්ජනයකට මුහුණ දි ඇති බැවින් එම ප්රදේශය ස්ථායිකරණය කිරීම ජාතික ගොඩනැගිලි පර්යේෂණ ආයතනය මගින් සිදු කරනු ලබනවා.
එම ප්රදේශයේ අඩි 120 පමණ ඉහලින් ඇති විශාල ගලක් මහා මාර්ගයට වැටීමේ අවධානමක් මේ මොහොතේ ඇතිව තිබෙනවා.
මේ හේතුවෙන් කොළඹ නුවර මහ මාර්ගයේ කෑගල්ල විකල්ප මාර්ගය රථවාහන ධාවනයට සුදුසු නොවන බවට කල ඉල්ලීම අනුව එම මාර්ගය වසා දැමීමට කෑගල්ල රථවාහන පොලීසිය පියවර ගත් බව කෑගල්ල ආපදා කළමණාකරණ අධ්යක්ෂක අනුෂ්ක චමිල මහතා පවසනවා.
ඒ අනුව විකල්ප මාර්ගයට ඇතුල්වීම රංවල හන්දියෙන් හා කරඬුපන ප්රදේශයෙන් වසා ඇති බව කෑගල්ල පොලීසිය සදහන් කරනවා.
කොළඹ නුවර මාර්ගය භාවිතා කරන්නන් කෑගල්ල නගරය හරහා පමණක් රථවාහන ධාවනය කරන ලෙසද කෑගල්ල පොලීසිය මහජනතාවගෙන් ඉල්ලා සිටිනවා.