ජම්මු කලාපය ආසන්නයේ පාලන රේඛාවේදී ඉන්දීය ආරක්ෂක අංශ විසින් අල්ලා ගන්නා ලද ත්රස්තවාදියෙකු හරහා ඉන්දීය භූමිය තුළ ත්රස්ත ප්රහාර සඳහා පාකිස්තාන හමුදා කර්නල්වරයෙකුගේ සම්බන්ධතාවක් අනාවරණය කරගෙන ඇති බව වාර්තා වේ.
අල්ලා ගත් ත්රස්තවාදියා වන ටබරක් හුසේන්, පාකිස්ථාන ආක්රමණික කාශ්මීරයේ කොට්ලි දිස්ත්රික්කයේ, සබ්ස්කොට් ගම්මානයේ පදිංචිකරුවෙකු වන අතර ඔහු මේ වන විට හමුදා වෛද්ය මධ්යස්ථානයක ප්රතිකාර ලබමින් සිටී.
හමුදා වෛද්යවරුන් ඔහුගේ ජීවිතය බේරා ගැනීමට පෙර හුසේන් ඉතා අසාධ්ය තත්ත්වයක සිටි බව වාර්තා වේ.
ඔහු සුවය ලැබීමෙන් පසු ප්රකාශ කර ඇත්තේ තවත් ත්රස්තවාදීන් හතර දෙනෙකු සමඟ ඉන්දීය සොල්දාදුවන්ට ප්රහාරයක් එල්ල කිරීමට තමා එවූ බවත් පාකිස්ථානු කර්නල් යුනුස් චෞද්රි විසින් ඒ සදහා මුදල් ගෙවූ බවත්ය.
මෙහිදී හුසේන්ට වෙඩි වැදී ඇති අතර ඔහුගේ සගයන් පලා ගොස් තිබේ.
ඔහු පවසා ඇත්තේ තම කණ්ඩායම පැමිණියේ ඉන්දියානු මුරපොලවලට පහරදීමට බවයි.